Sunday, December 10, 2006

يجب ان تخرج الأشعه لا محاله

قد تخونني الكلمات و قد تنتهي ولا اوضح ما اريد قد يفني الكلام عن الحب و تبقي تلك الأشياء التي تتحرك في داخلي
تلك العواطف التي لم اعطي اي سلطان عليها قد تذهب الأشياء و االأشخاص الي العدم و لكن الحب يبقي يبقي لأن البقاء للأقوي يبقي لأنه الصدق في معناه المطلق قد اخاف ان احب ربما ولكني لن اقدر ان اقتل الحب في داخلي لن اقدر ان
اقتل هذا الأحساس الذي يجعلني انسان ربما قد احاول و اطيل المحاوله و ابذل جهدي في هذا و لكن ما الفائده فانا انسان
و الحب هو اساس آدميتي لن استطيع لن اقدر ان اوقف هذا الشعاع الذي يضيء قلبي من الداخل نحن لا نقدر ان نحبس
اشعه الشمس في كوب من الزجاج و نمنعها من الخروج قد نستطتيع ان نترك الكوب حتي يغطيه الغبار او قد نضع علي نحن غبار الخوف ولكن الأشعه ستمر لا محاله قد تخرج متكسره ضعيفه لا تضيء بالشكل الكافي لكنها سوف تخرج
سوف تخرج لتصنع النور والخير و السلام يجب ان تخرج و يجب ان لا تكون ضعيفه يجب ان تكون قويه صدقوني يجب ان تخرج الأشعه لا محاله

Posted by haybaaaaan at 3:54 AM 6 comments



Tuesday, October 31, 2006

هلاوس

ربما يظن البعض اني مخادع ا يظنني البعض غدار لا اعلم ما يكنه الناس لي لست اعلم هل هذا حب ام هو مجرد خوف من سطوتي كما يقولون عني ان لي سطوه برغم اني لا اظن هذا و الحق اقول لكم لو كان لي سطوه لما كنت اجلس الآن اكتب هذا الكلام المشتت ربما لأني اعرف جيدا رغبتي في اثبات العكس ربما ايضا لأني تائه
لا يملك الأنسان احيانا غير قلبه و عنده يعرف قيمته يعلرف ان كان يساوي ام انه سلعه فاسده لا تساوي ثمن خبزه و ماءه احيانا يصبح الأنسان بلا سيء للبيع الا قلبه و ضميره
هل يبيع ام يجوع
انا اقول لكم يجوع ليس من باب المبادء و لكن من باب التوفير
فأن باع قلبه هذه المره لن يجد ما يبيع المره القادمه سيجوع ولكن هذه المره سيقتل نفسه لأنه ليس له ما يبيع و لذا افضل ان اظل صاحب املاك و ان كانت تجعلني اجوع لكنها ثروتي الوحيده و اعلم ان هناك من يقدرها و يعرف قيمتها ربما ليسوا كثيرين و لكنهم موجودين .......مازال هناك في السله تفاح طازج قالها لي و هو يموت من الجوع ...ربما لن يفهم ما اقول الا الفليلون و لكنهم برغم قله العدد كبيرون القيمه لأنهم فهموني

Posted by haybaaaaan at 5:41 AM 1 comments



Sunday, May 28, 2006

انا حر

مش عارف ليه كل ما جي هنا افتكر اني عندي قلب المكان ده بالذات يمكن عشان فيه قلت اول مره اني حبيت مش عارف يمكن عشان ماعرفتش اعمل ده بعد كده برضه مش عارف ساعات يكون مكان بيفكرني بحدث معين او حد معين لكن لما يفكرني بنفسي تبقي حاجه غريبه لما بشوف نفسي زمان في كل ركن لما بشوف دموعي لما كان عندي دموع لما بشوف احساس جوايا و انا مش عارف ده يعني ايه لما المس حيطان المكان و احس بريحه حد معين قابلته فيه قيل كده لما اسمع موسيقي و احس ان مش ده مكانها كل ده بيفكرني بزمان بيخليني اتوه ساعات كتير و امشي كتير و كأني مش عارف طريق البيت ولا عارف انا مين احيانا يخاف الانسان يكون لوحده يخاف يمشي عشرين متر من غير حد معاه يمكن عشان مش عايز يكون مع نفسه مش عايز ولو لحظه صراحه مع نفسه الخوف اللي جواه اقوي منه اقوي من انه يصارح نفسه و يقول هو فين دلوقتي...... العزله شبح لأني في العزله مش باقابل غير نفسي و انا الصراحه مش عشايز اقابلهامزاجي كده انا حر

Posted by haybaaaaan at 5:16 AM 7 comments



Saturday, May 27, 2006

.....بس كده

اهلا بكم في هذه المدونه و عشان الناس تبقي عارفه انا بكتب ليه انا هاقولكم
انا بكل صراحه مش كاتب و لا اديب بس من وقت للتاني بحس ان فيه كلام عايز اقوله و الكلام ده بكتبه هناالكلام ممكن يكون مالوش قيمه في نظر البعض بس في نظري انا- و اعوذ بالله قوله انا- هو كلام مفيد حتي و ان كانت فايدته في مجرد انه كلام بسيط من غير فلسفه و لا تعقيد
بعد المقدمه الطويله اللي انا مش عارف كتبتها ليه اسمحولي احكيلكم عن قصص صغيره شفتها في حياتي او حتي في خيالي بس لفتت نظري
كان فيه واحد صاحبي في المدرسه شاطر قوى يعني غاوي تعليم الولد ده كان حياته عباره عن دراسه في دراسه و الحقيقه ربنا كان كارمه في النباهه ال يحد يحسد عليه -طبعا فعل الحسد عائد علي الولد مش علي ربنا-المهم الولد ده عاش في دوامه التعليم لغايه ما اتخرج من كليه الطب و قابلته بالصدفه لقيته بيبصلي نظره عتاب غريبه مافهمتش ده ليه بس عديتها و لما اتكلمنا و عرفت احواله حسيت انا قاعد مع جدي هم و مشاكل تخيلوا وشه مكرمش و هو عنده 25 سنه الصراحه صعب عليا بس هاقوله ايه كانت القعده ليها طابع غريب حسيت انه بيحاول يقلد كلامي يقلد حركاتي يقلد حتي نظراتي الشارده و هو قاعد معايا و مش لا قيين حاجه نقولها حتي الطلبات طلب زيي و في اخر القعده قاللي انت ماتغيرتش قلتله ولا انت بصلي نظره غريبه حسيت انه في دموع في عينيه .......معرفتش اتكلم الكلام خلص و النظرات مش كفايه طلبت الحساب قاللي انا اللي هادفع قلتله لا مشيها انجليزي سكت و طلع حسابه و اداهوني رحت احاسب الجرسون رجعت مالقيتهوش بس لقيت علي الترابيزه صورته و احنا في رحله و مكتوب عليها "معادنا الجاي لما ارجع زي الصوره دي" .....بس كده

Posted by haybaaaaan at 3:24 AM 3 comments



Wednesday, May 24, 2006

كله هايبان

لست مناضلا سياسيا و لكني ينتابني هذا الشعور الأكيد بحبي لهذا البلد اللي هو مصر العظيمه الطيبه لا تتعجب بس هو ده الواقع و هي دي الحقيقه الوحيده في حياتي ايا كان راي الناس
في كلامي ده بس انا عارف ان ده مريحني و من الحاصل في الحواصل في الفتره الأخيره من تاريخ بلدنا الحبيب مصر اللي هو بيتعاد كل كام سنه للي واخد باله و مزاكر كويس لقيت الموضوع محتاج ان الواحد يقول رايه حتي ان كان اللي هايقرا الراي ده ناس مش مهتمه بي الموضوع و بصراحه اكثر انا مش بكتب الكلام ده الا من اجل الأحساس اني بقول حاجه انا عايز اقولهايمكن عشان انا مش بعمل كده في الواقع في الحياه عامه عشان كده ماحدش يفتكر اني راجل بتاع سياسه و نضال لا ياخويا انت و هو انا مواطن صالح بحب مصر و كل اللي يحب مصر و اللي مايحبش مصر .........بحبه برضه بس مش زي التاني هاهاهاهايبان كله هايبان
امشي انا بقي عشان معاد تحيه العلم اليوميه بتاعتي

Posted by haybaaaaan at 3:49 AM 0 comments



Wednesday, February 15, 2006

وجب التوضيح


اتهمني بعض الأصدقاء و المعارف بأني اتكلم عن الوطنيه و عن مصر لأني ماعنديش حاجه اقولها غير كده لذا وجب التوضييييح
انا يا جماعه مش ماعنديش حاجه اقولها ولا انا متعصب لمصر و خلاص الفكره و اللي انا مقتنع بيه ان اي انسان في الدنيا دي لازم يكون ليه مباديء لازم يكون ليه حاجه يتمسك بيها و يكون ليه اسباب في موقفه ده ..
اي انسان ليه فكره او مبداء في حياته انا باحترمه حتي لو كان المبداء ده في حاجه مش عاجباني بس ده تفكيره و هو حر و انا لازم احترمه بس بشرط انه يكون ليه اسباب منطقيه ليها معني
يعني مش اسأل واحد انت ليه مش بتحب مصر يقولي عشان الشوارع مكسره
ده مش مبداء ده كلام فاضي يا جماعه العمليه مش عمليه نضال وطني ولا عمليه كلام فاضي من بتاع البرامج في التلفزيون العمليه عمليه احساس بأن دي بلدي
انا اتعاملت مع ناس من عده جنسيات مافيش حد مش بيحب بلده الا المصريين
حتي السودانيين اللي بلادهم فقيره و حالتهم سيئه جدا بيحبوا بلدهم و بيقولوا عليه عظيم طب ايه السبب .....
السبب بسيط ان ده بلده..... بتاعه.......... ارضه هي دي الحكايه ثم الوطنيه مش حاجه هايفه ولا كلام غريب يعني انا لو اتكلمت علي الاغاني و الفنانين هابقي حلو ولا يعني لازم اتكلم في مواضيع معقده و انا مش فاهم فيها بس بتكلم و خلاص زي ما بيعمل البعض واهو كله كلام و خلاص انا بصراحه مش مقنع الا باللي انا بافهم فيه و مقتنع بيه و بس
غير كده بقي انا ماعرفش

Posted by haybaaaaan at 3:29 AM 9 comments



Monday, February 13, 2006

(الشاعر اللي حب المعتقل (بلده


ردا علي الأخ عماد في موضوع العظيم دائما الشاعر الخالد احمد فؤاد نجم

انا بصراحه ماقدرش انكر ان الراجل راكب علي دماغي و مش عايز يسيبني انا الصراحه حاسس ان انا لما بكتب بيكون الراجل ده جنبي بيمليني و انا لا انكر ان افكاره عايشه في عقلي قوللي ليه
الراجل ده لا جدال انه راجل ليه مبداء في وقت من تاريخ مصر كانت الدوله تعتقل كل من له مبدأ اعذروني عشان هاقول كده بس كل الشعراء في الوقت ده كانوا زي شوقي كده بتوع السلطه يبغنوا للحكومه حتي العظيم صلاح جاهين عمره ما اعترض علي اللي حاصل في الحواصل زي ما عمل نجم
نجم عمل حاله غريبه يمكن لأنه انسان عادي و كلامه عادي من غير فلسفه ولا اي حاجات صعبه علي الناس كان بيحط ايده علي الجرح من غير خوف ولا نفاق ولا تجميل للحقائق اللي كانت ساعتها مصايب لا تغتفر في حين فيه غيره ياما تغزل في الثوره علي انها اعظم احداث التاريخ المصري الحافل بالخيانات و المساومات علي مصلحه مصر الحزينه الغلبانه اللي لا شايفه خير من شعب ولا من حكام لا الشعب حبها ولا الحكام خدموها و هي يا عيني مش عارفه تعمل ايه تلاقيها منين ولا منين المهم انا مش عايز اخرج من الموضوع نجم حب مصر و كان عارف قيمتها كويس قوى عشان كده انا باحب نجم لانه علمني حب مصر حتي لو كانت اسواء بلد في العالم –مع ان ده مش صح – بس هي بلدي و ليها عليا اني احبها و افضل فيها
هو ده نجم اللي فضل معتقلات مصر علي قصورها عشان يفضل ليه مبداء و يفضل ليه وطن حتي لو كان وطنه معتقل كبير هو برضه وطن

Posted by haybaaaaan at 7:17 AM 1 comments



محاوله شعريه من زمان

علي فكره انا ساعات باحس اني عندي موهبه الشعر لا شك اني باحب الشعر و باحب بالذات الشعر الوطني و السياسي عشان كده انا فكرت اعرض قصيده انا باعتبرها من احسن ما كتبت


في اوضه ضلمه زي اوضه الأتهام
سألوه و قالوا تعرف ايه عن السلام؟؟؟؟

جاوب عليهم بضحكه بريئه
سمعت عنه لكن ماشفتوش عالحقيقه
صرخوا و قالوا الأنكار مش هاينفعك قول الصراحه
الصراحه انتو عايزين الصراحه
الصراحه ان الأروح صارت مباحه
الصراحه ان الضمير عايز جراحه
الصراحه ان العدل بكل شكل اصبح مرادف للبجاحه

انت عارف معني الل انت قلته ايه ؟؟؟؟؟؟؟؟
ايوه عارف امال يعني قلته ليه .......
ولا اقولك اكتب الل هاقوله عندك يا بيه

فجأه و بدون مقدمات ظهر علاج في الأجزخانات
علاج جديد لكن تمام
اسمه السلام

علاج جديد يشفي الزغطه و الزكام
يـــــــــاســـلام
ستاره يتستر وراها كل ظالم مستبد
شيل الستاره و شوف وراها تلاقي فيه جيش مستعد
وفي كل المحطات محليه و دوليه
في الجرنال و في الجمعيه
يتكلموا عن العمليه

عمليه ايه؟؟؟؟؟؟؟
العمليه الوهميه
عمليه بسيطه في ضمير الشعوب
تجعلهم يشوفوا الظالم مغلوب
كان ليها اسم بس مش فاكرة بالتمام
بس تقريبا عمليه السلام
انت باين عليك مشاغب
قصدك بفكر
يعني هاتغير المذاهب
يمكن اقدر
تقدر علي ايه يا مجنون
اقدر اكون او لا اكون
يمكن احفادي يشوفو بعدي السلام اللي ماشفتهوش
يمكن يقولو شكرا يا جدي انك حميتنا من الوحوش
عرفت بقي هاغير ايه........خليني امضي علي اقوالي يا بيه

Posted by haybaaaaan at 5:30 AM 4 comments



سرقه العلم مني جعلتني بلا علم

هو ده يا جماعه حلمي اللي اتسرق مني و انا في عز فرحتي بالفوز
اناطبعا مش باعرف ارسم كده بس الرسمه دي اهداء من الأخ عماد شباك بارك الله فيه و في كل الوطنيين من امثاله

Posted by haybaaaaan at 2:56 AM 5 comments



حكايتي مع العلم المفقود

الحكايه تبداء مع بدايه البطوله الافريقيه
انا لا بتاع كوره ولا بافهم فيها بس بحب مصر و احب اللي يحب مصر و ده موضوع تاني نتكلم في بعدين المهم انا عشان بحب بلدي كان نفسي زمان يكون عندي علم بلادي وطنيه بقي المهم لفت الايام و دارت و اشتريت العلم و كان هو اهم حدث في حياتي هذا العام وجهزت مكانه في البيت عندي عشان اتباها بيه قدام الناس المهم عشان ما طولش جه يوم ماتش النهائي ومصر كلها في حاله قلق و انا واقف بالعلم امام الشاشه العملاقه و اعصابي مشدوده لغايه ما مصر كسبت و كانت الفرحه خرج الناس جيوش للأحتفال بالفوز و بدأت مأساتي انا راكب العربيه لقيت راجل كبير خطف العلم من ايدي بس الحمد لله واحد قاله عيب و اداني العلم قلت والله مصر بخير يا جماعه مفيش لسه هافرح و اقول مصر لقيت خمسه شدوا مني العلم ولما حاوت اشده لقيت هتاف جماهيري شديد بيقول: سيبه سيبه سيبه و لقيت العلم اختفي من ايدي و الناس مشيت وانا قاعد من غير علم وكل الناس عندها علم و انا ماعنديش بالذمه مش حاجه تضايق

Posted by haybaaaaan at 2:25 AM 4 comments